Premios Concurso de logos do EDLG

Hoxe fixemos entrega dos premios do Concurso de Logos do EDLG do IES Marqués de Sargadelos convocado polo Equipo de Dinamización Lingüística.

Parabéns a María Roza, Iria Baltar e Irea Río polo seu gran traballo!

As tres recibiron unha camiseta co logo gañador e un cheque para gastar en libraría.

Grazas a todo o alumnado participante pola súa creatividade e implicación!

VIDEOXOGOS EN GALEGO

No taboleiro da EDLG presentamos unha pequena campaña informativa sobre videoxogos dispoñibles en galego. Unha mostra para descubrir que tamén se pode xogar, explorar mundos e vivir aventuras na nosa lingua.

Nesta exposicón poderás coñecer algúns títulos, proxectos e iniciativas que apostan polo galego no ámbito dos videoxogos.

Descubre novas formas de xogar en galego!

Premios concurso de disfraces Entroido

 Do Entroido... aos saltos!

Este xoves 5 de marzo, o alumnado de 4º da ESO e 2º de Bacharelato do noso centro, premiados nos concursos Tes Talento e Entroido gozou do seu merecido premio cunha xornada chea de adrenalina no centro de lecer Xjump de Avilés.

Risas, acrobacias e moita enerxía para celebrar a creatividade, o traballo en equipo e o espírito festeiro que demostraron.

Así dá gusto celebrar o Entroido!

Concurso de Disfraces ENTROIDO 2026

O venres 13 de febreiro o instituto encheuse de cor, creatividade e moito humor no Concurso de Disfraces de Entroido, organizado polo Departamento de Activades Extraescolares e Complementarias e o Equipo de Dinamización da Lingua Galega.

Viviuse con moita risa, humor e moita imaxinación.

Aquí temos algunha das fotos da xornada e as persoas premiadas:

PREMIOS:

Categoría grupo:

1º premio: Ma-duro (4º ESO)

2º premio: Compañía do café: o final (2º bach)

Categoría parella/individual:

1º premio: Jack Sparrow (Lucía e Divane 4º ESO)

2º premio: King África (Irea e Clara 3º ESO)

Grazas a todo o alumnado por participar e poñerlle tanto ritmo ao instituto.

Chocolatada de ENTROIDO

 

Este venres 13 de febreiro, o alumnado do centro gozou da tradicional Chocolatada de Entroido na cafetería do instituto.

Un doce inicio para unha xornada chea de risas, cores e creatividade, como antesala do esperado Concurso de Disfraces.

Así dá gusto celebrar o Entroido!

RECEITAS DE ENTROIDO

 O Entroido tamén sabe a tradición!

O alumnado de 1º  e 2º da ESO, coa colaboración das súas familias, gravou diferentes recetas de sobremesas tradicionais do Entroido para recuperar e compartir os sabores máis doces da nosa contorna.

Unha actividade para poñer en valor as receitas de sempre, transmitidas de xeración en xeración. e gozar da cociña en familia.

Foi actividade organizada polo Equipo de Dinamización Lingüística do IES Marqués de Sargadelos.

LEMAS POLO AMOR

 No mes de febreiro, na entrada do instituto, o Equipo de Dinamización Lingüística promoveu esta fermosa iniciativa.

O alumnado de 1º e 2º da ESO colaborou na creación desta decoración e destes lemas polo amor, o único que pode salvar a humanidade, as especies e o planeta da separación, do odio e da destrución.

É importante que non se vexa o amor coma un acto comercial: o amor non se expresa con agasallos comprados con diñeiro, senón a través do respecto e da tolerancia.